Warkii Radiogedo ee maanta oo ah 23 Agoosto 2006 oo aannu ku soo qaadanayno

Ciidammo Itoobiyaan ah oo ka soo gudbay buundada Dolow iyaga oo ku sii jeeda Baydhabo, iyo ciidammadii Itoobiyaanka ahaa ee Gaalkacyo shalay gaaray oo dhaqdhaqaaq ka wada garoonka magaalada Gaalkacyo, Xubno ka tirsanaa dowladdii hore ee Geeddi oo dhaliilay qaabka loo wado hawsha dowladda iyo weliba webiga Jubba oo ku fatahay qaybo ka mid ah gobollada Jubbooyinka qasaarena geystay

Webiga Jubba oo ku fatahay tuulooyin ka tirsan gobolka Jubbada Hoose

Kismaayo 23 Agoosto 06 (Radiogedo.com) Fatahaadaha webiga Jubba oo galay maalintoodii saddexaad ayaa maraya meelihii ugu darnaa, tuulooyinka Maleendo, Mugaambo iyo Sanguunni ayaa waxa ay dadku isku dayayaan si ay uga barakacaan dhulkoodii si aanay u saameynin fatahaadda sida ay sheegeen dadka tuulooyinkaasi.

Ciidamo Itoobiyaan ah oo xalay ka soo gudbay xuduudda Dolow ee gobolka Gedo

Dolow 23 Agoosto 06 (Radiogedo.com) Ciidammo lixaad leh oo Itoobiyaan ah ayaa xalay ka soo gudbay xudduudda degmada Dolow ee gobolka Gedo, ciidammadaas oo wata gawaarida dagaalka isla markaasna aad u tiro badan ayaa waxaa sida la sheegayo ay ku sii jeedaan degmada Baydhabo ee gobolka Bay, halkaas oo xarun ku meel gaar ah u ah dowladda federaalka Somaliya.

Ciidammo Itoobiyaan ah oo galay Gaalkacyo iyo Bandiiradleey

Ciidammo ku hubeysan gaadiidka dagaalka oo agaaraya dhowr iyo toban gaari ayaa shalay galab soo galay magaalada Gaalkacyo, iyada oo ay degeen xeradii Siinaay, kuwo kalena waxay galeen tuulada Bandiiradleey

Cismaan Boqorre:Shareecada Islaamka Aan Qaadanno

Cismaan Boqorre ayaa shir jaraa'id ka sheegay in loo baahan yahay in shareecada Islaamka la isku xukumo, isla markaasna la qaato Kitaabka Alle

Jinni Boqor oo dowladda Itoobiya ku eedeeyay inay carqalateynayso nabadda Soomaaliya

Baydhabo 29 June 06 (RadioGedo) Xildhibaan Cabdi Cabdulle Saciid Jini Boqor oo ah mudane ka soo jeeda gobolada Puntland ayaa ku tilmaamay kacdoonka dadweynaha iyo maxkamadaha ee qabsaday Caasimadda Somalia iyo gobolada ku dhow dhow in ay tahay rajada kaliya ee lagu gaari karo dowlad ka dhalata Somalia.

Sidee looga dareemayaa 26ka June gobollada koonfureed

Kismaayo 26 June 06 (RadioGedo) Maanta oo ay ku beegan tahay 26kii June oo ahayd maalintii ugu horreysay ee geyi Soomaaliyeed laga taago calan Soomaaliyeed 46 sano ka hor ayaa waxaan si weyn looga xusin gobollada Koonfureed.

Isku dhac dad ku dhinteen oo ka dhacay Kismaayo

Kismaayo 25 June 06 (Luuq.com) 2 qof ayaa ku dhimatay 2 kalena inta la og yahay waa ay ku dhaawacantay iska hor imaad maanta ku dhex maray laba maleeshiyo beeleed gudaha magaalada Kismaayo.

Golaha Maxaakiimta Islaamiga oo Muqdisho looga dhawaaqay

Muqdisho 24 June 06 (RadioGedo) Gole cusub oo maamul ayaa waxaa maanta looga dhawaaqay magaalada Muqdisho, waxana golahani uu ka koobnaa 88 xubnood oo laba gole u sii kala baxa oo ay kala hoggaamin doonaan Sheekh Xasan Daahir Aweys iyo Sheekh Shariif

Nin lagu qisaasay magaalada Kismaayo maanta

Kismaayo 22 June 06 (RadioGedo) Nin horay u dilay laba bilood ka hor nin kale oo ay isku hayb yihiin ayaa maanta lagu qisaasay gudaha magaalada Kismaayo, ka dib markii ay xukunkaas ridday maxkamadda shareecada islaamka ee Kismaayo, isla markaasna ay labada dhinac ku waafaqeen.

Dowladda iyo maxkamadaha oo aqbalay wadahadal shuruud la'aan ah

Khortoum 22 June 06 (RadioGedo) Dagaalladii dalka burburiyay ee 16ka sano jirsaday ka dib ayey rajada maanta laga qabo soo noqoshadii kala dambeyntu ku xiran tahay heshiis ay wada gaaraan midowga maxkamadaha iyo dowladda federaalka

Wefti uu hoggaaminayo Barre Hiiraale oo ku sugan garbahaarrey

Garbahaarrey 21 June 06 (RadioGedo) Wasiirka dib u dhiska iyo dib u dejinta dowladda federaalka ku meel gaarka ah xildhibaan Barre Aadan Shire iyo wefti uu hoggaaminayo ayaa waxa ay maanta gaareen magaalada Garbahaarrey ee gobolka Gedo.

Madaxweyne Cabdullaahi Yuusuf oo la kulmay Ra'isul wasaare Melles

Addis-Ababa 21 June 06 (Radio Gedo) Madaxweyne Cabdullaahi Yuusuf Axmed oo shalay ka ambabaxay magaalada Baydhabo oo gaaray magaalada Addis Ababa ayaa waxa uu halkaas kula kulmay ra'isul wasaaraha Itoobiya Melles Zenawi oo uu uga war bixiyay xaaladda Soomaaliya.